Henny María ...

á maður að nenna þessu ?

2007-10-18T04:20:00.000-07:00

Ég veit ekki alveg hvort ég er að nenna þessu bloggstússi en ég hendi allavega hér inn einni færslu þó að ekki sé nema fyrir hann Svenna sem skildi eftir frekar harðort comment hér síðast. Ég vil alls ekki valda vonbrigðum og þetta vonandi fær hann til að brosa út í annað þarna í Búdapestinni :)
Allavega, það hefur nottlega mikið drifið á daga fjölskyldunnar síðustu mánuði, enda heilt sumar liðið og það leið með sínum frábæru sumarfríum. Vestfirðir heimsóttir sem var nú ansi magnað og svo allt þetta hefbundna, Akó, Grenó og Stykkishólmur kom svo í lokin. Aldeilis ljómandi fínt skal ég segja ykkur. Palli er búinn að fara x2 erlendis í golfferð, eina til Danmerkur og eina til Prtúgal núna í október, og honum fannst það bara svaka gaman, enda heppinn með veður og svoleiðis :), sem og ferðafélaga, já og svo er nottlega gaman í golfi og kannski fékk hann sér einn bjór á eftir :)
Það merkilega gerðist í september að ég varð 30 ára gömul og finnst mér það mjög vel af sér vikið. Ég fékk ekkert sjokk og hlakka bara til að lifa enn lengur, já maður er með rétta attítúttið.
Sigurrós er alltaf glöð og dugleg - orðin 5 ára gella og finnst hún sjálf vera afar fyndin og spyr oft hvort að okkur finnist hún ekki líka örugglega fyndin - sem okkur finnst að sjálfsögðu.
Ég er ennþá að vinna á umboðsskrifstofunni Prime sem er alveg stórskemmtilegt - endilega kíkka á prime.is :) erum svo að fá nýja heimasíðu von bráðar - það verður stuð
Jæja nóg af því liðna, það gerðist sem sagt alveg heilmargt en það er búið núna...

Ég verð að fá að lýsa ánægju minni með Næturvaktina - finnst hún alveg hreint mögnuð og vel leikin - Halldór Gylfa átti nú innkomu dagsins í síðasta þætti sem Kiddi frændi í Sólinni og lét kallinn aldeilis heyra það - og setningin "Hvaða tegund af steik ert þú eiginlega ?" stóð þar upp úr mörgum frábærum frösum.
Ég og Palli erum komin í heilsuátak - (heyrt þetta áður) en (eins og áður) þá ætlum við ekki að gefast upp !!!! Ég væri nú líka til í að kíkka á æfingarnar með Helgu Kr og þeim hjá Gunnari á Grenivík - miðað við lýsingar Helgu þá er svo heltekið á því, með tilheyrandi hvatningaröskrum frá þjálfaranum, að margir dagar líða þangað til maður jafnar sig. Ég læt mér Suðurbæjarlaugina bara duga - öskra bara á sjálfa mig í hljóði.
Ég er að fara til Glasgow í lok nóvember - segi betur frá því seinna - þegar ég er búin að gera upp við mig hvort ég held áfram að blogga.
Hér kemur mynd af mér og Brynju frænku síðan um síðustu helgi - há dú jú læk þe dress ??

get ekki sett islenska stafi i titilinn.....

2007-04-17T06:26:00.000-07:00

Ætlaði sem sagt að láta þessa færslu heita Páskar og fleira.
Það er allt ljómandi fínt að frétta af okkur, fórum norður um páskana og höfðum það hrikalega gott. Við feðgin fórum hamförum í eldhúsinu eins og okkur einum er lagið, fengum hund í heimsókn, borðuðum aðeins meira og allt þetta. Ég fór síðan á ball sem voru eiginlega miðnæturtónleikar þar sem ungir krakkar sungu og spiluðu. Strákurinn hann Eyþór vann síðan Söngkeppni framhaldsskólana um helgina, ég er nú hrædd um það. Já þetta var svakalega fín helgi sem endaði með frábærum tónleikum með Björk í Höllinni. Antony (& the Johnsons) kom og söng með henni Dull Flame of Desire af Volta og ég bara gjörsamlega táraðist það var svo fallegt - djíses, röddin í þessum manni, og þau voru frábær saman.
Vinnan gengur vel og allt að gerast - sumarið verður örugglega líflegt og skemmtilegt. Gleymi samt ekki vinum mínum á heilsó svo glatt og kíki þangað reglulega ;) Við skötuhjú komin í heilsuátak eða á maður ekki að kalla þetta "lífstílsbreytingu", komin á fullt í ræktina og farin að elda hollan og góðan mat, aldeilis ljómandi !

Það held eg nu

2007-03-26T04:34:00.000-07:00

Já það er orðið eitthvað síðan maður bloggaði - enda svo sem ekki verið sérlega öflug í þeim bransanum - en hér koma einhverjar fréttir. Það er nú alveg heilmikið búið að ganga á síðustu vikur og mánuði. Ég er komin í nýju vinnuna sem skrifstofustjóri umboðsskrifstofunnar Prime ehf. Það er bara ofsalega skemmtilegt og lifandi starf, hitti og tala við skemmtilegt fólk og svo er yfirmaður minn hann Palli líka alveg frábær. Það er samt hrikalega skrýtið að vera hætt á elskulegu heilsugæslunni minni og ég sakna fólksins alveg hrikalega mikið en ég er búin að vera ofsalega dugleg að halda sambandinu og fer að heimsækja þau og svoleiðis. Já þau losna ekkert alveg við mig ef ég fæ að ráða :)
Félagslífið hefur verið blómlegt sömuleiðis, Incubus tónleikar, afmæli og ýmislegt og svo síðustu helgi skellti ég mér á Stebba & Eyfa í Hafnarborg sem var alveg stórskemmtilegt. Já og ekki má gleyma Londonferðinni með Heilsugæslunni sem var alveg brill. Það var helvítis þeytingur á manni en alveg þess virði, við Ása vorum ansi duglegar að versla og skemmtum okkur konunglega sem herbergisfélagar - klikkuðum ekki á vaskbarnum, aldeilis ekki. Fórum á Mama mia (Abbasýninguna) sem var fínt, órum fínt út að borða, heimsóttum heilsugæslu og inn í milli læddust stundum Mojito, Corona og alls kyns frískleikar í dagskrána. Ferðin heppnaðist sem sagt svaka vel og ég gat sagt mig úr starfsmannaráði með sæmd !
Páskafrí á næsta leyti og þá ætlum við að skella okkur eitthvað norður og hafa það næs eins og alltaf. Kannski getur maður skellt sér eitthvað í snjóinn upp á Kaldbak. Annars er ég alveg tilbúin í vorið bara, þetta er búið að vera alveg ágætt af skítaveðri í bili takk fyrir.
Sigurrós Lilja er alltaf jafn spræk, er á fullu í danskólanum og auðvitað leikskólanum. Skellti sér á bangsaspítalann um daginn sem var alveg frábært - henni fannst nú ekki mikið mál að fara ein með bangsann inn til læknis - enda ábyrgðarfullt foreldri þar á ferðinni. Bangsinn fór í röntgen og var settur á lyf, enda búin að vera með gubbupest í 1 mínútu að sögn móður ;) Það er hægt að sjá videomyndir af þessu á mbl.is - vefvarp. Henni finnst Justin Timberlake ferlega flottur og biður mömmu sína mikið um að setja hann á fóninn og svo er tekið til við dansinn - og þvílík tilþrif - jeminn eini !! Prumpulagið er einnig í miklu uppáhaldi og það spenningurinn er mikill fyrir Abbababb sem við ætlum á innan skamms.
Já þetta er svona það helsta í bili - ætla nú líka að fara að setja inn nýjar og skemmtilegar myndir. Besos.

í fréttum er þetta helst ....

2007-02-02T00:34:00.000-08:00

Já þá er Þorrablótið afstaðið og var mikið stuð ! Pabbi sló í gegn í skemmtiatriðunum og allt vel heppnað. Palli borðaði meira en ég sem var pínu fyndið þar sem hann ætlaði varla að fara út af vegna þess að hann tímdi ekki að borga fyrir skemmdan mat. Það var að vísu "nýmeti" á boðstólnum eins og pabbi orðaði það og smakkaðist það líka svona ljómandi vel :)
Sigurrós fannst mjög gaman á Grenivík og fékk að vera mikið með Rebekku vinkonu sinni og brösuðu þær heilmikið saman. Keyptum harðfisk, borðuðum pizzu úr Jónsabúð og slökuðum á, sem sagt mjög fín ferð.
Pamelurnar eru á leið í sumarbústað þar-þar-næstu helgi og verður það nú aldeilis gaman. Það eru ár og aldir frá því að við höfum gert eitthvað svona bara við fjórar saman og svo sannarlega komin tími til.
og svona í lokin, ipodinn ekki ónýtur, prime alveg að fara að opna, hætt með visa, spennt fyrir London, pizzupartý á laugardaginn og kannski ball í kapla, mamma afmæli á morgun, ray lamontagne er góður, þarf að kaupa skúla sverrisson, og svona dót í bílinn svo að hann eyði minna bensíni !

Eplastelpa

2007-01-10T01:22:00.000-08:00

Já ég er orðin eplastelpa, búin að fá æðislega fallega og góða apple macbook tölvu fyrir nýju vinnuna mína. Ég er alveg að kaupa þetta apple umhverfi og hlakka til að læra betur á þetta. ipodinn minn er hins vegar frosinn en ég held að það sé vegna mikillar notkunar og þarf sennilega að tékka á batteríinu. Allavega, það reddast. Það er allt á fullu núna, verið að smíða allt inní skrifstofuna okkar og allt að verða reddí. Við opnum sennilega um mánaðarmót en ég þarf kannski að vera eitthvað á heilsógæsló í febrúar, en það er allt í lagi. Er samt orðin ferlega spennt að byrja :) Er svo að fara til London 23 febr. og það verður nú aldeilis fínt. Ágætis ársbyrjun. Já og ekki má gleyma þorrablótinu á grenó, stuð stuð stuð !! Hlakka til að hitta alla !

Árið !!!

2006-12-29T03:15:00.000-08:00

Get more at COMMENTYOU.com

allt í gangi !!

2006-12-27T05:05:00.000-08:00

Ég vil byrja á að óska öllum gleðilegra jóla og farsæls nýrs árs !!!

Við erum búin að hafa það ofsalega gott yfir jólin og gerðum okkur lítið fyrir og trúlofuðum okkur á aðfangadagsmorgun :) Jólin voru svo haldin á Sunnuveginum og allt var frábært. Ég fékk kassagítar frá Palla í jólagjöf og var alveg himinlifandi, núna get ég farið að "working on my music" eins og Ross í Vinum orðaði það svo skemmtilega. Já við fengum fullt af fallegum gjöfum og allir voru svaka sáttir og Sigurrós þá einna helst, það var prinsessuþema hjá henni þetta árið.

Það er svo einnig að frétta að ég er að skipta um vinnu eftir áramótin og hef störf hjá umboðsskrifstofunni Prime. Er í Strandgötunni í Hafnarfirði þannig að ég held áfram að vinna í þessum yndislega bæ mínum ! Ég hlakka mikið mikið til og finnst þetta mjög spennandi, það er svo gott fyrir mann líka að breyta til. Á samt eftir að sakna fólksins á gæslunni en ég verð bara að vera dugleg að hafa samband við það. Ætla líka með þeim til London í febrúar sem verður efluast mikið fjör. Stefnt á að fara á Abba showið og fleira. Jæja nóg af fréttum í bili, vona að allir hafi það gott um áramótin.

Fórum á Bond í gær og ó mæ god mér fannst hún frábær, engin smá töffari þar á ferð!

BINGÓ.........

2006-12-08T02:48:00.000-08:00

Fór með mömmu í Landsbankajólabingó í gær og auðvitað vann mamma þessa líka dýrindis matarkörfu og var svo yndisleg að gefa okkur hana, besta mamman sko !! Þetta gerðist nefnilega líka í fyrra og er stefnt á að gera þetta að hefð :) Enda engin smá búbót, það er víst ábyggilegt. Alltaf gaman að fara í bingó og svolítið fyndið að sjá að það kemur svona upp smá keppnisskap í fólk og maður verður bara drullusvekktur þegar einhver annar æpir "bingó" og reynir að vera glaður fyrir þeirra hönd. En maður er fljótur að gleyma tapinu þegar ný umferð fer að stað og spennan magnast. Yndislegur leikur (sérstaklega af því að við unnum:)

Incubus er að koma, júhú !!!

NÝJAR MYNDIR !!

2006-11-23T00:06:00.000-08:00

Jæja þá er ég búin að setja inn fleiri myndir á myndasíðuna. Þetta eru aðallega myndir frá sumarfríinu, Spánarferðinni og svoleiðis. Endilega kíkka á þær og jafnvel commenta :)

adios !

það styttist ......

2006-11-22T06:42:00.000-08:00

Tíminn líður hratt þessa dagana og það styttist í blessuð jólin og áramótin þá líka. Við verðum á hér fyrir sunnan um jólin en hann pabbi ætlar að skella sér til Danaveldis og eyða jólunum með systur sinni og dætrum. Stefnan er svo sett á sumó um áramótin með Eddu og Kjartani o.co. eins og ég hef kannski komið inn á áður og er tilhlökkunin alveg heilmikil.

Ég ætla að reyna að klára jólagjafastússið sem allra fyrst svo að ég hafi meiri tíma til að baka, ég er búin að fá svo margar frábærar uppskriftir að ég get ekki beðið eftir bakstrinum. Erum svo að fara í hið árlega laufabrauð á laugardaginn þannig að þetta er allt að komast í gang.

Ég er útskrifuð frá nuddaranum og hann sagði að það ætti að vera allt í lagi með mig núna, ég var nú nokkuð sammála honum því að sviminn er farinn og ég bara orðin miklu orkumeiri. Hann sagði líka að ég ætti að hugsa um að fara að eiga annað stykki barn og stakk svo nálum í frjósemisstöðvarnar mínar í lok tímans :) Ég sagði bara já já það styttist :)

Lag dagsins: The Samples - Who Am I

Hugað að heilsunni !

2006-11-09T01:45:00.000-08:00

Já það er aldeilis að maður er farin að gera eitthvað í heilsumálunum, (enda var kominn tími til), byrjuð í rope yoganu x3 í viku kl 6 á morgnana, badminton x1 í viku og svo skellti ég mér í nudd og nálastungur til að losa um spennu og svoleiðis, alger snilld. Já það þýðir víst ekkert að láta blessaða heilsuna sitja á hakanum, hún kemur bara annars og bítur mann í rassinn síðar.
Var að kaupa nýja Damien Rice diskinn og við fyrstu hlustun er hann ekki að valda neinum vonbrigðum, elsku kallinn :) Eitt það besta fyrir heilsuna og þá helst þessa andlegu er nebblega að hlusta á yndislega tónlist, hún getur sko gert kraftaverk !

hér er hægt að hlusta á nokkur lög http://myspace.com/damienrice

p.s. fór á pulsubarinn í hádeginu

Borat í bíó og bíll

2006-11-03T00:05:00.000-08:00

Já hann Borat blessaður er að slá í gegn í bíó þessa dagana, hlakka mikið til að sjá myndina, það er engin hemja hvað maðurinn er fyndinn !

Annars er það að frétta af la familia að bílakaup gætu átt sér stað í dag, já það er ekkert verið staldra of lengi við hvern bíl á þessum bæ það er alveg á hreinu :)

Jagshemash !!!!

verið´i hress, ekkert stress...bless bless

2006-10-26T06:09:00.000-07:00

verð kannski þeirrar gæfu aðnjótandi að vera áhorfandi hjá hemma gunn í nýja þættinum hans, ég og mamma erum búnar að ákveða að vinna ferð til útlanda !
frekari upplýsingar á morgun.....

Góða helgi í boði Landsbankans (eða hvað?)

2006-10-20T07:13:00.000-07:00

Já helgin er að koma og er það alveg hreint ljómandi fínt. Innflutningspartý hjá Davíð Óla og Hildi á laugardaginn, það verður örugglega svaka stuð. Ég er sem sagt ekki að fara á Landsbankaárshátiðina. Það er vegna þess að starfsfólk má aðeins bjóða "mökum" með sér en ekki neinum öðrum. Ég veit ekki hvort þeir biðji um hjúskaparvottorð til staðfestingar á þessu öllu saman en mér finnst þetta nú soldið skítt, og þá sérstaklega fyrir þá starfsmenn sem eiga ekki maka og vilja samt sem áður hafa einhvern sem þeim þykir vænt með sér á skemmtunina. Ástin (eða kynlífið) er greinilega í hávegum höfð þarna í Landsbankanum , en hvernig í ósköpunum ætla þeir að fylgjast með því hver er "ekta" maki hvers og eins, ég bara skil þetta alls ekki, sérstaklega þar sem þessi banki er ekki beinlínis að lepja dauðann úr skel hvað peningamál varðar. (ein soldið svekkt, en ætla samt ekkert að hætta viðskiptum út af þessu). Ég hef nú ekki miklar áhyggjur af því að hún mammi mín plummi sig ekki án "maka" enda þekkt fyrir að vera hrókur alls fagnaðar ! Ég á líka eftir að þekkja miklu fleiri í partýinu og það er alltaf frábært að skemmta sér með vinum sínum þannig að ég verð fljót að jafna mig á þessum Landsbankaskandal ;)
Annars er allt rosa fínt að frétta, badminton komið á fullt skrið, svaka gaman, búin að skrá mig í rope yoga x3 í viku kl 06:05 á morgnana (úff), uppáhaldssjónvarpsþættirnir valda ekki vonbrigðum, sigurrós kann að skrifa nokkra stafi og er búin að læra að syngja Fjöllin hafa vakað (foreldrum sínum til mikillar skemmtunar), búin að panta sumarbústað um áramótin !!
Óska öllum góðrar helgar,

Badminton er málið !

2006-10-11T06:21:00.000-07:00

Já byrjuðum í badminton í gærkveldi og var sko tekið vel á því, enda er maður stirður eftir því. Jeminn þetta er svo skemmtilegt og svona líka rosalega góð hreyfing, hörkupúl. Í félaginu (enn ónefnt) þá erum við Palli, mamma og Ólöf frænka. Mamma er nottlega gömul badmintondrottning og við hin bara þokkalega efnileg. Ætlum svo að bæta við nokkrum félögum þannig að þetta verður heilmikið stuð. Aldeilis ljómandi !!!
Langar rosa mikið á tónleika í kvöld með Pétri Ben, Lay Low, Shadow Parade, Togga ofl. Kemst því miður ekki en ég verð bara að láta mér nægja að hlusta á alla þessa snillinga í i-poddinum á meðan ég skúra fyrir alla læknana ;) Það er svo fullt af íslenskum tónlistarmönnum að heilla mig þessa dagana og ég vona að ég geti nú farið að sjá eitthvað af þeim á tónleikum.
Já mamma var svo góð að bjóða mér með sér á árshátíð Landsbankans og verður það eflaust mikið stuð, það verður allavega "open bar" sem er alltaf soldið vinsælt ,;)

Hlaup og vín..

2006-09-28T05:10:00.000-07:00

Það var sko búið til rifsberjahlaup í gær með dyggri aðstoð tengdó og var útkoman svona líka glimrandi fín ! Náðum að setja í allnokkrar krukkur og okkur langar núna að fara að setja í rifsberjavín sem yrði tilbúið um jólin. Tilvalið í jólapakkana ::) Uppskriftin er ekki flók, rifsber, sykur og vodki en maður þarf síðan að hafa þolinmæði því að þetta tekur víst allt sinn tíma. Aldrei að vita nema maður skelli sér í þessa víngerð, enda yrði það heilmikil búbót, er það ekki?
Allt gott að frétta hér, Sigurrós komin á nýja deild sem heitir Þúfa og er hæstánægð. Hún er dugleg að gefa gunna gullfiski að borða og hann plummar sig einstaklega vel, enda einstaklega gáfað dýr þar á ferðinni !

Æi hvað er nú gott að vera búin að fá flest-alla uppáhaldssjónvarpsþættina sína í gang, og hafa þeir alveg staðið undir væntingum. Fullt af nýjum skemmtilegum þáttum líka komnir, jey.

Afmælisstelpa !!

2006-09-25T02:10:00.000-07:00

Sigurrós Lilja er orðin 4ja ára !!!!!

Afmælisveislan var í gær og var mikið stuð. Fullt af pökkum og kökum. Mér og Kristínu Steinu tókst að gera þessa líka fínu Nemo köku sem var í stíl við afmælisgjöfina sem við gáfum henni en hún fékk gullfisk í skál. Hann gerði heldur betur lukku blessaður og er búinn að fá nafnið Gunni gullfiskur !!

Nick Cave og Áfram FH !!!

2006-09-18T02:58:00.000-07:00

Já hann er Nick Cave er algjör snillingur ! Tónleikarnir voru æðislegir hreint út sagt.
FH Íslandsmeistarar - jibbý !! Laugardagskvöldið var sem sagt tekið með trompi,

Haustið er tíminn..

2006-09-15T01:16:00.000-07:00

Já það er víst ábyggilegt að haustið er komið ! Jeminn það er búið að vera rigning og rok frá því að við komum heim frá Spáni. Aðeins of mikið sjokk að koma úr 30°c + og í blessuðu rigninguna gjörsamlega alla daga. En svona er þetta bara, maður lætur þetta allvega ekki stoppa sig frá því að vera með fjöldagrill í Heiðmörk, ekki aldeilis..

Ammó !

2006-09-14T06:54:00.000-07:00

Heyrðu, ég á afmæli í dag, jibbý

komin heim !

2006-09-13T17:24:00.000-07:00

Við erum komin heim og Spánn var æði og allir glaðir í hitanum. Set inn myndir við fyrsta tækifæri. Allt komið á fullt hjá okkur öllum og afmælismánuðurinn ógurlegi gengin í garð.
Jæja hef ekki tíma til að skrifa meira, lokaþáttur Rockstar er byrjaður, úff, spennó !!

Go Magni !!!!

"We run", Michael says.....

2006-08-22T09:07:00.000-07:00

Já Michael Scofield og félagar hans í prison break eru mættir á skjáinn aftur (í usa) og ég ætla sko að ná í fyrsta þáttinn á eftir. Svaka spennt, en samt ekki eins spennt og ég er yfir spánarferðinni, jeminn, maður er bara með hnút í maganum allan daginn.
Helgin var fín hjá okkur, afmælið á menningarnótt var svaka fínt, en því miður tók það sinn toll daginn eftir :( Grilluðum svo með Eddu og Kjartani á sunnudagskvöldið sem var mjög ljúft.
Ég er búin að setja inn myndir frá sumarfríinu á myndasíðuna - linkurinn er hér til hliðar.
Á maður að vaka eftir Rockstar eða hvað?

MMM (menningarnótt, magni og marglyttur)

2006-08-18T03:11:00.000-07:00

Já þá er komið að hinni árlegu menningarnótt á morgun. Við erum svo heppin að vera á leiðinni í tvöfalt þrítugsafmæli kl 17 á morgun í miðbænum og svo verður væntanlega kíkkað í bæinn. Addi er allavega að spila á prikinu þannig að maður kíkir örugglega þangað og dansar af sér rassinn í smá stund.
Hvað var annars málið með hann magna síðast, djös...rugl að hann lenti í bottom 3, þá verður maður að byrja að kjósa aftur, engin spurning. Já þetta var ansi intense hjá honum í creep, dilana bara skælandi og allt, úff. Allavega tók hann Lukas alveg í nösina, hans creep var sko ekkert spes. Hann Lukas er alltaf svona soldið "constipated" í framan blessaður drengurinn en supernova gaukarnir eru alveg að fíla kallinn. Þeir var samt alveg á tæru að þeir voru ekki á leiðinni að sparka magna heim.
Vorum í sambandi við samstarfskonu Palla sem var í húsinu sem við verðum í á Spáni. Hún sagði þetta vera frábært, allar græjur til staðar, stutt á ströndina og allt hræbillegt. Ekki slæmt. Að vísu var maðurinn hennar stunginn af marglyttu og fékk sýkingu og alles. Hann klikkaði á að láta einhvern pissa á þetta eins og krakkarnir í friends gerðu um árið. Þetta er sko ekkert grín að fá svona bit, marglyttur eru stórhættuleg kvikindi, einhver tegundin er með eitruðstu dýrum heims ! Maður verður aldeilis að passa sig, það er alveg á hreinu.

sumarfríið hið fyrra búið..

2006-08-10T01:54:00.000-07:00

Já þá er hversdagsleikinn tekinn við í ca 2 vikur en þá verður haldið til spánar. Sumarfríið var frábært, grenivík, veitt í fjörðum, sól, mývatn, eiðar í bústað, eigilsstaðir, kárahnjúkar, seyðisfjörður, reyðarfjörður og fáskrúðsfjörður. Já það var víða komið við og skemmtum við okkur vel. Edda, Kjartan og börn voru með okkur meiripartinn sem var alveg frábært, vorum dugleg að spila buzz og popppunkt og á meðan reyndi Kjartan að koma eplasnapsinum út við misgóðar viðtökur. Já það er ekki hægt að telja allt sem gerðist í fríinu hér en það var bara aldeilis frábært. Ég hlakka til að fara í það næsta.
Heyrðu, mín bara orðin módel, ég er nú hrædd um það. Vinkona Eddu vantaði einhverja til að vera í peysum sem hún var að prjóna því hún er að gefa út bók og ég er að fara í dag og ætlar hún að nota mig í fótósjút. Já það ætti að koma sér aldeilis vel að hafa fylgst með Americas next top model núna maður, ..tyra give me sexy, tyra give me tough, tyra give me happy..... já hún veit sko hvað hún syngur :)

Magni með "magnified" encore í gær, hann er alveg að meika það drengurinn í þessum þætti. Alveg ferlega gaman að fylgjast með þessu, allavega sér maður sig knúinn til að vaka fram á miðjar nætur til að horfa á þetta og ég er orðin frekar óróleg með það að missa kannski af 2´þáttum þegar ég verð á spáni. Það hlýtur að reddast. Já ótrúlegt tangarhald sem þetta sjónvarp hefur á manni stundum, er orðin frekar spennt eftir að sjá alla þættina sem eru að byrja aftur í haust, maður á eftir að fá svör við ýmsum spurningum :)

skelfingarástand......

2006-07-05T10:37:00.000-07:00

Jamm, blessaður i-podinn fraus í gær mér til mikillar skelfingar, ég meina það, fékk svona nett sjokk en var samt í bullandi afneitun og þess vegna fríkaði ég ekki gjörsamlega út. Það er með ólíkindum hvað manni getur þótt vænt um eitthvað lítið tæki sem hefur þann frábæra hæfileika að spila og geyma fullt fullt af tónlist. Ég svaf róleg og vonaði að þetta myndi vera komið í lag þegar ég kæmi heim og varð því mjög glöð þegar ég gat tengt hann í tölvuna áðan en það kemur svo í ljós hvort hann lætur af stjórn þegar hann er búinn að hlaða sig, he better ....
Palli er byrjaður meistaramótinu og gengur ágætlega, Kristín tengdó rúllaði þessu náttúrulega upp en hún kláraði mótið í gær, ekki að spyrja að því. Einhverntímann verð ég svona góð :)
Kristborg er sennilega að eiga eitt stykki barn í þessum töluðu orðum og sendi ég henni og Hlyni baráttukveðjur, króinn er búinn að láta aldeilis bíða eftir sér !!
Fór í keilu í gær með Jónu, Söndru, Ölmu grenógellum og Rakel söndruvinkonu og kíkkuðum svo á kaffi sólon, mjög gaman að hitta þær. Í kvöld verður svo horft á portúgal-frakkland og svo að sjálfsögðu fylgist maður grannt með magna í rock star, það verður spennó að sjá hverning hetjunum líst á hann :) Áfram Magni !

Wherefore art thou, sumarfrí ?

2006-06-26T13:09:00.001-07:00

Heyrðu þetta er bara komið gott, sumarfríið má alveg fara að koma. Veðrið er ekki beint að toga í mann þessa dagana en það er alveg ljóst að sumarfrí er bráðnauðsynlegt fyrir andlega heilsu. Ég þarf bara að þrauka í 3 vikur í viðbót, hvað er það? Allt gott að frétta hér, helgin róleg, sund og fótboltagláp. Sigurrós tjáði mér það á laugardaginn að hún væri með handahausverk og bar sig frekar illa og svo seinna um daginn var hún komin með fótahausverk, litla skinnið ! En hún var fljót að jafna sig á þessum ósköpum og er búin að vera hin hressasta svo ekki sé meira sagt þessi elska. Rigningin er komin aftur, var líka orðin ansi áhyggjufull því ég hafði ekki séð hana í 2 heila daga en það var allt í lagi með hana og hún stóð sig bara vel í dag með rokinu.

Lagið: Sia - Breathe me

hæ, hó, jibbí, jey

2006-06-19T14:09:00.000-07:00

Jæja þá er 17 júní afstaðinn með öllu tilheyrandi, skrúðgöngu, leiktækjum, rándýrum blöðrum og klístruðu sælgæti, þá má heldur ekki gleyma rigningunni. Já, þetta var bara fjör, Sigurrós skemmti sér vel, Spiderman blaðran fór hins vegar fljótlega á fund feðra sinna en þeirri stuttu hefði ekki getað verið meira sama, ekkert drama, hún gerði sér fulla grein fyrir því að hún hafði slitið hana viljandi af bandinu og þess vegna hafi blaðran bara farið upp í geim. Palli var að vinna allan daginn við hátíðarhöldin og langt fram á kvöld, var í því að redda nælonpíunum míkrafónum og passa að það heyrðist almennilega í siggu beina og maríu björk, og bara reddaði hlutum. Það var svo haldið handboltapulsupartý hjá jonna og sirru þar sem allir horfðu spenntir á þessar elskur slá út svíana, stórkostlegt og mjög vel við hæfi á þessum degi.
Erum búin að kaupa miða á HAM, getum ekki beðið !!!

Donde esta la biblioteca ?

2006-06-07T02:01:00.000-07:00

Já fjölskyldan bara á leiðinni í sólina á Spáni í ágúst þakka þér fyrir, skyndiákvörðun sem ég sé sko alls ekki eftir !! Hlakka mikið til eins og gefur að skilja :)
Hvítasunnuhelgin var skemmtileg hjá okkur, fórum á Skárastaði með Eddu, Kjartani o.co. Fórum í skoðunarferð, bökuðum lummur og pönnsur, prjónuðum og strákarnir reyndu að veiða, já haldiði að það sé myndarskapur í liðinu! Ég er alveg dottin í prjónið, búin að prjóna húfu á Sigurrós og er að gera eina fyrir Palla, verð að klára hana áður en hann fer í Albertsferðina. Já hann verður flottur með hvíta og strumpabláa húfu (röndótta) á golfvellinum, það er ég viss um.
Maður telur svo bara niður dagana þangað til við förum í sumarfríið hið fyrra, það verður líka gaman. Það held ég nú....

Varicella without complications

2006-05-30T02:00:00.000-07:00

Já svona hljóðar víst greiningin á hlaupabólunni sem hún Sigurrós er með þessa dagana :) Ég er nú samt bara fegin að hún sé búin að klára þetta þrátt fyrir að þetta sé ekki mjög skemmtilegt. Þessi mikla innivera getur verið erfið fyrir litla fjörkálfa og vonandi kemst hún í leikskólann á morgun. Maður er farin að kunna hinar ýmsu teiknimyndir utan að og þá sérstaklega pétur pan, en hver er ekki til í komast yfir smá álfaryk frá skellibjöllu, ekki slæmt að geta flogið um loftin blá bara með því að hugsa um eitthvað fallegt.

ekki slæm "næstum því" afmælisgjöf !!

2006-05-24T02:04:00.000-07:00

Ég fékk þær frábæru fréttir í morgun að nick cave væri að koma aftur til Íslands í höllina 16. september, ekki slæm afmælisgjöf á ská. Eins gott að vera á tánum með miðakaupin.
Ekki svo frábærar fréttir eru þær að blessaðar flærnar eða allavega einhverjir maurar eru líka búnir að narta í okkur líka, en það er víst lítið hægt að gera við því, þetta grær bara áður en við giftum okkur :) Andstyggilegt samt sem áður, þetta styður allavega þá ákvörðun um að vera ekki með loðdýr á heimilinu, það er á hreinu. Passið ykkur á húsdýragarðinum !!!
Alltaf gott að fá frí svona í miðri viku, ætlum að grilla í kvöld og reyna að komst á da vinci code, en heyrst hefur að það sé uppselt næstu 8 dagana, úff, kemur í ljós.
Sá annars hinn kyngimagnaða dúett Snooze og nýja myndbandið þeirra í gær, og ég vissi ekki alveg hvort ég ætti að fara að hlægja eða gráta, svei mér þá, tékkið endilega þá þessu, þó ekki sé nema fyrir forvitnissakir.

Í tilefni dagsins er lagið: Lay me low með Nick Cave and the Bad Seeds

hvað er í gangi ?

2006-05-23T06:20:00.000-07:00

heyrðu sumarið er greinilega farið í frí, vonandi bara stutt, en ég ætla nú ekki að kvarta mikið því það gæti víst verið verra, ég hugsa "hlýtt" til ykkar elskurnar mínar á Grenivík !!!
Sumarbústaðurinn var frábær um helgina, potturinn með nuddi og diskóljósum og allir sáttir. Horfðum á Lordi rústa júró og spiluðum kana. Sigurrós náði sér í flóabit í Húsdýragarðinum á föstudaginn og líka stóran marglett, og rispu á síðuna. Já það getur sko verið varasamt að fara með börnin í þennan húsdýragarð, en samt ákaflega skemmtilegt.

Mig langar svo mikið á Hróarskeldu.

Lag dagsins: The Funeral með Band of horses

svona fór nú sjóferð.....

2006-05-19T02:55:00.000-07:00

Já já þá er það afstaðið, kemur kannski ekki á óvart. Maður horfir nú samt með öðru á laugardaginn. Erum á leið í bústað yfir helgina sem er aldeilis ljómandi. Sumarið er bara komið núna held ég, júró búið, búin að klára allar tv seríurnar (en bíð samt spennt eftir framhaldi í september), byrjuð að hjóla í vinnuna, og aftur heim (sem er afrek út af fyrir sig). Sólin skín hér í Hafnarfirði og ég fékk nýjan gsmsíma afhendan áðan, jibbý.

Góða helgi

Áfram Ísland !!!

2006-05-18T04:23:00.000-07:00

Stattu þig stelpa -

gaman, gaman, gaman

2006-05-14T13:38:00.000-07:00

Frábær helgi er að klárast og maður er sko rúmlega sáttur við atburði hennar. Skorradalsferð ÍTH stóð hæst þar sem “snillingurinn” Halli Hansen stjórnaði leikjum með svakalegum tilburðum, og þá einna helst í pósunum eins og sést hér til hliðar J Ferðin byrjaði í langferðarbíl og fórum við Hvalfjörðinn í þetta skiptið. Keyrðum fram hjá bílveltu sem við fyrstu sýn leit ekki vel út en svo fréttum við það seinna að blessaður ökumaðurinn hafi verið að reyna að stinga lögguna af og hafði komist úr bílnum og svo fundist í fjöruborðinu í Hvalfirðinum. Alveg með ólíkindum að hann skuli hafa sloppið miðað við hvernig bíllinn var og þá helst hvar hann var. Hann var nefnilega á hvolfi, ofan á kletti, næstum dottinn út í á við hliðina á einbreiðri brú. Já takk fyrir sumir eru heppnir, eða bara klikkaðir, ég veit það ekki.
Þegar komið var á Indriðastaði hittum við skrautlegan karakter að nafni Halli og átti hann eftir að skemmta fólki með ansi hreint mögnum töktum :) Okkur var skellt í galla og hjálma og svo var haldið á fjórhjólum í skemmtilega ökuferð, keyrðum í vatnið og allt !!! Palli hefði viljað meiri hraða en það er víst ekki hægt í svona ferð. Eftir þetta var okkur skipt í lið og kepptum við í klifri og axarkasti sem var frábært. Klifrið var æði og maður skildi af hverju þetta er eitt af erfiðustu íþróttunum!! Palli ætlaði ekki upp í fyrstu sökum mikillar lofthræðslu en hann sigraði óttann að sjálfsögðu og rauk upp vegginn – já hann allavega fór alla leið .) Algjör hetja! Axarkastið gekk upp og ofan hjá fólki en var stórskemmtilegt þrátt fyrir að mitt lið – Kuhjo tapaði, en það var í lagi því að við rústuðum klifrinu, júllí júllí júllí – (þetta var sko herópið okkar). Já aldeilis stuð. Palli grillaði svo 200gr hammara ofan í mannskapinn í bústað STH og var eitthvað sötrað með því áður en haldið var í borgina aftur. Þetta var alveg meiriháttar ferð og vel heppnuð í alla staði, gott veður og allir ánægðir.
Við héldum síðan gleðskapnum áfram og fórum í 30 ára afmæli til Gísla Árna þannig að við fórum ansi þreytt heim en það var alveg þess virði. Frábær dagur.

Verð hreinlega að hvetja alla til að horfa á Veronicu Mars – djíses – var að horfa á lokaþáttinn í 2 seríu og þvílík snilld – það er nú meira hvað þetta er skemmtilegt. Nú þarf maður því miður að bíða fram í september eftir meiru en maður lætur sig hafa það J

Kveð núna, ætlað að halda áfram að horfa á FH vinna KR í fótboltanum og svo á morgun förum við og kaupum okkur nýju plötuna með Tool, takk fyrir!

blessuð sértu helgin mín ....

2006-05-05T08:42:00.000-07:00

Já maður er þá fluttur hingað yfir og líkar það vel. Snurfusa þetta allt saman í rólegheitunum.Helgin er komin, jamm og jamm og jú - Palli á leið á Herrakvöld FH í kvöld og verða ég og Sigurrós einar í kotinu. Þá er tilvalið að dæla nokkrum "tjikkflikks" í tækið og sökkva sér í sófann. Ætla svo að hitta grenivíkurgellur sem eru staddar í borginni - kannski skellum við okkur eitthvað á lífið saman, það væri sko ekki leiðinlegt. Maður reynir kannski að fara að hjóla eitthvað en það hefur verið lítið um það undanfarið, það er nefnilega búið að vera þannig að ef ég svo mikið sem hugsa um hjólið þá hefur komið rigning, hagl og álíka skemmtilegheit, þannig að hjólið er búið að hafa það alveg ágætt í bílskúrnum á sunnuveginum. Þetta tekst hjá mér á endanum. Annars ætla ég að byrja helgina á því að fara með blessaðan flakkarann í viðgerð áður en ég missi vitið alveg, þeir skulu sko redda þessu fyrir mig !!

Lag dagsins í dag: You do something to me - Paul Weller